ᐅᕙᓃᑦᑐᑎᑦ : ᐊᖏᕐᕋᖅ » ᐅᓪᓚᓇᖅ (ᔮᓐ ᐃᐅᓪ ᐅᕝᕙᓗᑭᐊᖅ ᔮᓐ L) (John Ell or John L.)
ᐅᓪᓚᓇᖅ (ᔮᓐ ᐃᐅᓪ ᐅᕝᕙᓗᑭᐊᖅ ᔮᓐ L) (John Ell or John L.)
ᐅᓪᓚᓇᖅ ᐱᕈᖅᐸᓕᐊᑦᓱᓂ ᐊᓈᓇᒥᓃᑲᐃᓐᓇᖅᑐᒥᓂᖅ ᓂᕕᓯᓈᕐᒥ (ᓲᕙᓚᐃ) ᐊᕐᕕᓂᐊᖅᑎᓂᓪᓗ, ᓇᓗᓇᐃᑦᓯᐊᓂᖅᓴᕆᓗᒍ, ᑳᐱᑕᐃ ᑰᒧ. ᐊᒃᓯᖅᑕᒥᓂ ᔮᓐ L–ᒥ.) (John L.) ᐊᒃᓯᖅᑕᐅᓪᓗᓂ ᖃᐅᔨᒪᔭᐅᑦᓯᐊᖅᑐᒥᓂᕐᒥᒃ ᐱᖏᑎᒻᒥᒐᑎᒥᒃ ᔮᓐ L ᓴᓕᕙᓐᒥᒃ (John L. Sullivan ) ᐅᖃᖅᓯᒪᔪᖃᖅᑐᖅ ᐅᓪᓚᓇᖅ (ᔮᓐ ᐃᐅᓪ) ᑳᐱᑕᐃ ᑰᒨᑉ ᐃᕐᓂᕆᒋᐊᖓᓂᐅᒃ, ᑭᓯᐊᓂ ᐅᓪᓚᓇᐅᑉ ᐸᓂᖓ ᕿᑐᕐᖓᕆᔭᐅᙱᓐᓂᕋᐃᔪᖅ.
‘ᐄ, ᓂᖏᐅᕋ ᐱᖃᑎᖃᓚᐅᖅᓯᒪᔪᖅ ᑳᐱᑕᐃᒥᒃ, ᑖᓐᓇ [ᐅᒃᐱᒃ] ᐅᖃᖅᑐᒥᓂᖅ. ᐊᓪᓛᓪᓘᓐᓃᑦ, ᐊᔾᔨᙳᐊᖁᑎᓕᒥᓂᖅ ᑳᐱᑕᐃ ᐊᔾᔨᖏᓐᓂᒃ ᑐᔫᓯᐊᖃᑦᑕᖅᑐᒥᓂᐅᓪᓗᓂᓗ ᐱᓕᐅᓯᐊᒥᓂᒃ ᐊᓐᓄᕌᓂᒃ ᓯᒃᑭᓂᓪᓗ. ᑭᓯᐊᓂ ᔮᓐ ᐃᐅᓪ ᐃᓅᓕᖅᓯᒪᓕᖅᑎᓪᓗᒍ ᐊᖓᒃᑯᖅ ᐃᓪᓗᒥᐅᖃᑎᖃᓕᖅᑐᒥᓂᖅ ᓲᕙᓚᐃᒥᒃ. ᓂᖏᐅᕋ ᕿᑐᕐᖏᐅᕈᓐᓇᕈᓐᓃᑎᓪᓗᒍ. ᑎᒍᐊᕆᐊᖃᖃᑦᑕᔪᔪᖅ. ᔮᓐ ᐃᐅᓪ ᐊᐅᖃᔪᙱᑦᑐᖅ ᖃᓪᓗᓈᑉ ᐊᐅᖓᓂᒃ. ᐃᓄᓪᓚᕆᐅᔪᔪᖅ' (Eber 1989: 115)
ᑲᐱᑕᐃ ᑰᒧ ᐊᐅᓪᓚᓯᒐᒥ ᐅᑭᐅᖅᑕᖅᑐᒥᒃ, ᑐᓂᓯᔪᒥᓂᖅ ᐊᔾᔨᓕᐅᕈᑎᓕᒫᒥᓂᒃ ᐊᒥᓲᓗᐊᙱᑦᑐᓂᓪᓗ ᐊᔾᔨᙳᐊᓂᒃ ᓂᕕᓯᓈᑉ ᐃᕐᓂᖓᓄᑦ. ᐅᓪᓚᓇᖅ ᑭᖑᓂᕆᓕᖅᑕᖓᒍᑦ ᖃᐅᔨᔭᐅᓕᖅᑐᒥᓂᖅ ᐃᓚᒋᔭᐅᖃᑦᑕᕐᓂᕆᐊᖓᓂᒃ ᐃᖏᕐᕋᔪᖃᖅᑎᓪᓗᒍ ᑐᓵᔨᒋᔭᐅᓪᓗᓂ.